網紅的藏寶箱我一早已經登記成為骨髓捐贈者，資料都喺「香港骨髓捐贈者資料庫」，但暫時都未有捐贈過。自己登記得，就係因為認同呢個捐贈嘅理念。
但近日見到有政府高層高調地呼籲他人去登記捐骨髓，就真心覺得極之反感。如果局長覺得捐骨髓係重要，點解唔一早呼籲大眾去登記，要等到今時今日先至呼籲？
哦，原來因為權貴人士嘅千金需要骨髓，高官先出嚟幫手呼籲？
香港每年都有幾十人要接骨髓移植，之前唔呼籲，唔通平民百姓條命唔值錢？定係今時今日喺香港，權貴人士條命真係值錢啲？先至值得局長開金口作呼籲？
自己身為骨髓捐贈登記人，忽然見到局長個聲明，真心反感。